"Нам песня строить и жить помогает..." Калі перафразаваць гэты радок з вядомай песні, можна з упэўненасцю сказаць, што ў арміі песня "...жыць і служыць дапамагае". Песні гучаць паўсюль: і ў парадным страі – лягчэй чаканіць крок, і ў хвіліны адпачынку – пад гітару, і падчас канцэртаў і конкурсаў – дзе ў кожнага ваеннаслужачага ёсць магчымасць праявіць свой талент.
Дарэчы, вялікая колькасць конкурсаў армейскай, ваенна-патрыятычнай песні праводзіцца не толькі ва Узброеных Сілах, але і абласнымі, раённымі ўпраўленнямі (аддзеламі) культуры і адукацыі, грамадскімі арганізацыямі. А жадаючыя прыняць у іх удзел заўсёды сутыкаюцца з адной і той жа праблемай: "Што спяваць?". Для таго, каб дапамагчы ў выбары, і створана гэтая старонка. Прычым у вас будзе ўнікальная магчымасць не толькі загрузіць і праслухаць песню, але і скарыстацца фанаграмай "мінус 1" для ўласнага выканання (з абавязковым указаннем аўтараў музыкі і слоў).
Запрашаем да супрацоўніцтва аўтараў, гатовых на бязвыплатнай аснове размясціць на нашым сайце свае творы. З прапановамі звяртацца на mod@mod.mil.by з паметкай "Армейскія песні".