Беларуска-брытанская трэніроўка «Зімовы партызан»

У адпаведнасці з Планам міжнароднага ваеннага супрацоўніцтва на 2020 год 2 сакавіка на палігоне 103-й Віцебскай асобнай гвардзейскай паветрана-дэсантнай брыгады Лосвіда пачалася сумесная беларуска-брытанская трэніроўка.

Мерапрыемства праходзіць на двухбаковай аснове, у рамках узаемадзеяння па пытаннях падрыхтоўкі міратворчага персаналу, што з'яўляецца асабліва актуальным з пункту гледжання планаванага пашырэння ўдзелу Рэспублікі Беларусь у міратворчай дзейнасці ААН. Падобныя мерапрыемствы з брытанскім бокам праводзяцца рэгулярна з 2018 года на тэрыторыі абедзвюх краін.

Трэніроўка не з'яўляецца часткай якіх-небудзь шматбаковых вучэнняў.

Як паведамлялася раней, у ёй прымуць удзел 28 ваеннаслужачых 42-га батальёна марской пяхоты Узброеных Сіл Вялікабрытаніі. Беларускі бок прадстаўляе міратворчая рота 103-й Віцебскай асобнай гвардзейскай паветрана-дэсантнай брыгады.

Характэрна, што трэніроўка носіць назву «Зімовы партызан» у гонар беларускіх партызан перыяду Другой сусветнай вайны, накіраванае на тое, каб падкрэсліць сумесны ўдзел Беларусі і Вялікабрытаніі ў барацьбе супраць фашызму.