Урачысты сход з нагоды Дня Перамогі ў Палацы Рэспублікі

Для беларусаў праўда і памяць аб вайне мацнейшыя за час і не маюць межаў. Аб гэтым Прэзідэнт Беларусі Аляксандр Лукашэнка заявіў 7 мая на ўрачыстым сходзе з нагоды Дня Перамогі.

«У нашай гісторыі нямала яскравых старонак, якімі мы па праве ганарымся. Не ўсе з іх захавалі сваю значнасць да нашых дзён. Многія, страціўшы былыя сэнсы, аказаліся проста забытыя. Аднак ёсць даты і падзеі, якія нясуць у сабе разуменне сутнасці і праўду жыцця. Яны непадуладныя часу і абставінам, перадаюцца праз пакаленні з малаком маці, засцерагаюць ад памылак і дапамагаюць будаваць будучыню. Для беларусаў такой падзеяй стала Перамога савецкага народа ў Вялікай Айчыннай вайне», — падкрэсліў Аляксандр Лукашэнка. — Усе народы Зямлі павінны ведаць, якая неймаверна высокая цана была заплачана толькі беларусамі за мір і свабоду. Удумайцеся: звыш 300 тысяч нашых суайчыннікаў былі сагнаныя ў Нямеччыну ў якасці рабоў — фактычна ўсё насельніцтва такой краіны, як Ісландыя, ці ўвесь даваенны Менск. Толькі сумна вядомы лагер Трасцянец забраў жыцці больш за 200 тысяч мірных грамадзян. Як бы хто ў «вялікіх дэмакратыях» ні пярэчыў і ні перашкаджаў, што б ні казаў, нягледзячы на асобы і тэрміны даўніны, мы будзем выяўляць і здраджваць суду датычных да злачынстваў нацыстаў. Няхай нават пасмяротна ці завочна. Народам Еўропы даўно час зразумець, што Вялікая Перамога — наш агульны здабытак. Дзякуючы ёй, а таксама палітычнай, эканамічнай, ваеннай моцы Савецкага Саюза Еўразійскаму кантыненту на доўгія дзесяцігоддзі быў забяспечаны мір.

Аляксандр Лукашэнка нагадаў, што, нягледзячы на ідэалагічныя рознагалоссі і геапалітычную барацьбу ў пасляваенны час, сусветным ігракам усё ж удавалася дамаўляцца.

«Ва ўмовах халоднай вайны супрацьстаялымі бакамі рабіліся рэальныя крокі да разрадкі на аснове балансу сіл. Міжнародныя арганізацыі выступалі рэальнымі пляцоўкамі для перагавораў і садзейнічалі захаванню міру і ўмацаванню бяспекі на планеце. Але з распадам СССР урокі вайны былі забытыя», — канстатаваў Прэзідэнт.

****

Таксама Прэзідэнт Беларусі Аляксандр Лукашэнка ўзнагародзіў дзевяць населеных пунктаў краіны вымпелам «3а мужнасць і стойкасць у гады Вялікай Айчыннай вайны». Аддаючы даніну павагі баявому і працоўнаму подзвігу суайчыннікаў у гады вайны, Кіраўнік дзяржавы ўзнагародзіў вымпелам беларускія населеныя пункты, якія найбольш самааддана праявілі сябе ў барацьбе з ворагам. Узнагароды ўдастоены гарады Баранавічы, Дзяржынск, Дзятлава, Калінкавічы, Любань, Асіповічы, Чавусы, гарадскія пасёлкі Обаль і Асвея. Прэзідэнт уручыў адпаведныя ганаровыя граматы прадстаўнікам кіраўніцтва гэтых населеных пунктаў.

****

Прэзідэнт Беларусі Аляксандр Лукашэнка на ўрачыстым сходзе з нагоды Дня Перамогі раскрыў падрабязнасці раптоўнай праверкі сродкаў - носьбітаў нестратэгічнай ядзернай зброі.

«Асабліва адзначу, што праверка носіць выключна абарончы характар. Яна павінна забяспечыць гатоўнасць беларускіх воінскіх часцей да работы са спецыяльнымі боепрыпасамі, а таксама наладзіць механізмы кіравання войскамі і ўзаемадзеяння саюзных органаў кіравання. Пасля завяршэння сумеснай трэніроўкі нашы войскі прадоўжаць мерапрыемствы па адэкватным рэагаванні на змяненне абстаноўкі», - расказаў Аляксандр Лукашэнка.

Кіраўнік дзяржавы адзначыў, што на фоне пастаянна ўзрастаючай у Еўропе ваеннай актыўнасці ў Беларусі прымаецца комплекс мер адэкватнага рэагавання на абвастрэнне абстаноўкі. «Гэта дзейнасць па абароне нашай краіны мае планавы характар і прадугледжвае некалькі этапаў», – сказаў ён.

У час першага этапа ў адказ на канцэнтрацыю войск паблізу паўночна-заходніх граніц Беларусі (а гэта ўжо каля 90 тыс. чалавек) выводзіліся ўзмоцненыя танкавы і механізаваны батальёны на Ашмянскім і Пастаўскім напрамках. Адпрацаваны пытанні недапушчэння пранікнення на беларускую тэрыторыю дыверсійна-разведвальных груп, незаконных узброеных фарміраванняў і барацьбы з імі, як і ў цэлым падтрымання парадку на прыгранічных тэрыторыях. Таксама на гэтым фоне праведзена раптоўная праверка з адмабілізаваннем і прывядзеннем у поўную баявую гатоўнасць механізаваных і зенітна-ракетных брыгад. «І апошняе – маштабная праверка ваенна-паветраных сіл», – расказаў Аляксандр Лукашэнка.

Паводле яго слоў, гэтыя праверкі паказалі эфектыўнасць існуючай сістэмы баявой і мабілізацыйнай гатоўнасці, здольнасць брыгад своечасова перайсці ў вышэйшую ступень баявой гатоўнасці і выканаць задачы па прызначэнні.

У цяперашні час праводзіцца ратацыя войск прыкрыцця на паўночна-заходнім напрамку. Воінскія часці асобнай механізаванай брыгады займаюць новыя раёны аператыўнага прызначэння. На змену ім вылучаецца ўзмоцненая батальённая тактычная група са складу іншай асобнай механізаванай брыгады.

«Сёння мы пачынаем адпрацоўку другога этапу мераў рэагавання. Для яго правядзення генеральнымі штабамі ўзброеных сіл Беларусі і Расіі прадугледжана праверка сіл і сродкаў сумеснай рэгіянальнай групоўкі войск, у рамках якой упершыню плануецца адпрацаваць пытанні прымянення нестратэгічнай ядзернай зброі, – заявіў Прэзідэнт. – У ходзе праверкі будзе ажыццяўляцца падача спецбоепрыпасаў у ракетныя і авіяцыйныя воінскія часці, загрузка іх на пускавыя ўстаноўкі і падвеска на самалёты. Ракетныя дывізіёны аператыўна-тактычных комплексаў «Іскандэр» і «Паланэз» будуць скрытна выведзены ў прызначаныя пазіцыі і будуць адпрацоўваць пытанні нанясення ракетных удараў для адбіцця верагоднага нападу на Беларусь».

Адначасова авіяцыйныя воінскія часці падрыхтуюць франтавыя штурмавікі Су-25 да дзеянняў са спецбоепрыпасамі па падтрымцы абараняючыхся войск і нанясенні саперніку непрымальнай страты.

«Мерапрыемствы будуць праводзіцца на агульным аператыўна-стратэгічным фоне з адпрацоўкай, у тым ліку, расейскімі войскамі прымянення нестратэгічнай ядзернай зброі. У атрыманні аператыўнай інфармацыі нам дапамогуць воінскія часці Маскоўскай і Ленінградскай ваенных акруг, а таксама сілы і сродкі Балтыйскага флоту, размешчаныя ў Калінінградскай вобласці», – адзначыў Аляксандр Лукашэнка.

Рашэнне аб сумеснай каардынацыі і прымяненні войск з выкарыстаннем спецбоепрыпасаў лідэры Беларусі і Расіі маюць намер абмеркаваць на сустрэчы ў Маскве 8 мая. «І прымем канчатковае рашэнне», – сказаў кіраўнік дзяржавы.

«Непасрэднае кіраванне, кіраўніцтва войскамі, падача сігналаў на вучэбнае прымяненне нестратэгічнай ядзернай зброі будзе ажыццяўляцца генеральнымі штабамі Беларусі і Расіі ў адпаведнасці з існуючымі планамі ўзаемадзеяння», – дадаў Прэзідэнт.

****

Ва ўрачыстым сходзе з нагоды Дня Перамогі ў Палацы Рэспублікі прыняў удзел Міністр абароны Рэспублікі Беларусь генерал-лейтэнант Віктар Хрэнін.

Фота БЕЛТА і Яна Гарбанюка