Паведамленне прэс-службы

Сёння ў Міністэрстве абароны Беларусі адбыўся брыфінг афіцыйнага прадстаўніка Міністэрства абароны Рэспублікі Беларусь маёра Іны Гарбачовай, прысвечаны рабоце сродкаў масавай інфармацыі ў час другога этапа праверкі сіл рэагавання Саюзнай дзяржавы на тэрыторыі Рэспублікі Беларусь.

Другі этап праходзіць з 10 па 20 лютага і ўключае ў сябе сумеснае аператыўнае вучэнне ўзброеных сіл Беларусі і Расіі «Саюзная рашучасць – 2022».

Ваеннымі ведамствамі Беларусі і Расіі прынята станоўчае рашэнне аб удзеле прадстаўнікоў сродкаў масавай інфармацыі ў інфармацыйным суправаджэнні вучэння «Саюзная рашучасць -2022».

На першым этапе праверкі інфармацыйнае суправаджэнне ажыццяўлялася ваеннымі сродкамі масавай інфармацыі і прэс-афіцэрамі ўпраўлення інфармацыі Міністэрства абароны Беларусі і Дэпартамента інфармацыі і масавых камунікацый Міністэрства абароны Расіі.

Для работы на вучэнні акрэдытавана больш за 150 журналістаў, якія прадстаўляюць беларускія, расійскія і замежныя сродкі масавай інфармацыі.

Упершыню для работы на вучэнні Міністэрствам абароны Беларусі запрошаны беларускія блогеры і лідары грамадскай думкі.

З 12 па 19 лютага Міністэрствам абароны Беларусі будуць спланаваны тры прэс-туры на ўчасткі практычных дзеянняў войск.

12 лютага палігон «Гожскі» наведаюць беларускія і расійскія журналісты, як прадстаўнікі ад краін-удзельніц сумеснага аператыўнага вучэння ўзброеных сіл Беларусі і Расіі.

У адпаведнасці з задумай правядзення сумеснага аператыўнага вучэння ўзброеных сіл Беларусі і Расіі «Саюзная рашучасць – 2022» на палігоне «Гожскі» спланавана вядзенне бою ў раёне засадных дзеянняў падраздзяленнямі баявога ахоўвання з разведкай праціўніка. У далейшым будзе ажыццяўляцца вядзенне манеўранай абароны пры падтрымцы авіяцыі і артылерыі, правядзенне контратакі агульнавайсковым рэзервам на ўчастку ўклінення праціўніка. Затым выхад з бою і адыход на наступныя рубяжы манеўранай абароны.

15 лютага ўчастак мясцовасці «Палескі» наведаюць беларускія і расійскія журналісты, як прадстаўнікі ад краін-удзельніц сумеснага аператыўнага вучэння ўзброеных сіл Беларусі і Расіі.

На ўчастку мясцовасці «Палескі» спланавана правядзенне баявога пуску тактычным ракетным комплексам «Кропка». Баявыя пускі будуць праведзены ў рамках вядзення ракетнымі войскамі сістэматычных агнявых дзеянняў. Падчас пуску будзе нанесены групавы ракетны ўдар па двух аб'ектах умоўнага праціўніка на выдаленні да 70 км.

19 лютага палігон «Абуз-Лясноўскі» наведаюць замежныя, беларускія і расійскія журналісты.

На палігоне «Абуз-Лясноўскі» спланавана вядзенне абарончага бою на манеўраным рубяжы абароны з наступным выхадам з бою на аператыўны абарончы рубеж, нанясеннем паражэння праціўніку, правядзеннем контратакі з высадкай тактычнага паветранага дэсанту ў тыле праціўніка, пры падтрымцы авіяцыі і артылерыі.

У праграму і даты прэс-тураў могуць уносіцца змены.

З улікам магчымасцяў па размяшчэнні журналістаў на палігонах і неабходнасці забеспячэння мер бяспекі, фарміраванне спісаў для наведвання ўчасткаў практычных дзеянняў войск падчас прэс-тураў будзе ажыццяўляцца па прынцыпе «першы звярнуты ўключаецца» з ліку акрэдытаваных.

Прэс-рэлізы, інфармацыйныя матэрыялы, фота- і відэаінфармацыя штодзень будзе размяшчацца на партале Міністэрства абароны і ў тэлеграм-канале.

Улас. інф., фота Аляксандра Стадуба