Рабочы візіт у Рэспубліку Беларусь генерал-лейтэнанта Юнус-Бека Еўкурава (відэа)

27-28 мая 2021 г. Рэспубліку Беларусь з рабочым візітам наведалі намеснік Міністра абароны Расійскай Федэрацыі генерал-лейтэнант Юнус-Бек Еўкураў і дэлегацыя, якую ён узначальвае.

У рамках візіту 27 мая кіраўнік расійскай ваеннай дэлегацыі наведаў палігон «Брэсцкі» і прыняў удзел у рэкагнасцыроўцы раёнаў правядзення сумеснага стратэгічнага вучэння ўзброеных сіл Рэспублікі Беларусь і Расійскай Федэрацыі «Захад-2021».

28 мая адбылася сустрэча Міністра абароны Рэспублікі Беларусь генерал-лейтэнанта Віктара Хрэніна з кіраўніком расійскай дэлегацыі. У ходзе сустрэчы бакі абмеркавалі вынікі праведзенай рэкагнасцыроўкі, а таксама перспектывы беларуска-расійскага ваеннага супрацоўніцтва ў сферы баявой падрыхтоўкі.

Таксама Юнус-Бек Еўкураў наведаў Мемарыяльны комплекс «Хатынь» і ўшанаваў памяць ахвяр Вялікай Айчыннай вайны, усклаўшы кветкі да Вечнага агню.