- Навіны
- Узброеныя Сілы
- Ваенная адукацыя
Пад Баранавічамі пацярпеў крушэнне ваенны самалёт Лідскай штурмавой авіябазы Як-130. Пры выкананні вучэбна-трэніровачнага палёту экіпаж выявіў тэхнічную няспраўнасць. Праявіўшы мужнасць і гераізм, пілоты імкнуліся адвесці самалёт ад населенага пункта. Пераканаўшыся, што траекторыя падзення самалёта знаходзіцца па-за жылых дамоў, лётчыкі катапультаваліся.
На жаль, абодва лётчыка загінулі.
Палёт выконвалі камандзір звяна вучэбна-баявой эскадрыллі 116-й шаб маёр Нічыпарчык Андрэй Уладзіміравіч і лейтэнант Куканенка Мікіта Барысавіч - лётчык звяна вучэбна-баявой эскадрыллі на Як-130 116-й шаб.
Іншых ахвяр і разбурэнняў няма.
Вынікі крушэння ліквідаваны сіламі МНС.
Да месца здарэння выехала камісія Міністэрства абароны на чале з намеснікам Міністра абароны Беларусі па ўзбраенні.
Міністэрства абароны смуткуе разам з роднымі і блізкімі лётчыкаў. Сем'ям загінулых будзе аказана дапамога.