Аўтамабільнае ўпраўленне

Яромін Андрэй Мікалаевіч

Палкоўнік

Начальнік аўтамабільнага ўпраўлення Міністэрства абароны

Аўтамабільнае ўпраўленне Міністэрства абароны з'яўляецца:

структурным падраздзяленнем Міністэрства абароны, прызначаным для кіраўніцтва аўтатэхнічным забеспячэннем ва Узброеных Сілах;

органам Узброеных Сіл па іх забеспячэнні аўтамабільнай тэхнікай і маёмасцю.

Асноўнымі задачамі ўпраўлення з'яўляюцца:

кіраўніцтва:

• аўтатэхнічным забеспячэннем Узброеных Сіл у мірны і ваенны час;

• выкананнем задач па падтрыманні і ўдасканаленні баявой і мабілізацыйнай гатоўнасці ў падпарадкаваных воінскіх часцях і арганізацыях Міністэрства абароны (далей - падпарадкаваныя воінскія часці);

арганізацыя:

• кіравання стратэгічным разгортваннем Узброеных Сіл, іншых войск і воінскіх фарміраванняў Рэспублікі Беларусь у межах кампетэнцыі ўпраўлення;

• выканання комплексу мерапрыемстваў аўтатэхнічнага забеспячэння па падтрыманні баявой гатоўнасці Узброеных Сіл;

• забеспячэння, эксплуатацыі і аднаўлення аўтамабільнай тэхнікі ва Узброеных Сілах, ажыццяўленне кантролю за яе падтрыманнем у спраўным стане і пастаяннай гатоўнасці да прымянення;

• абароны дзяржаўных сакрэтаў, яе забеспячэнне і кантроль ва ўласнай дзейнасці, удзел у кіраўніцтве па пытаннях абароны дзяржаўных сакрэтаў, ажыццяўленне кантролю за яе станам у падпарадкаваных воінскіх часцях;

• вытворчай і фінансава-гаспадарчай дзейнасці, супрацьпажарнай абароны і выканання правіл пажарнай бяспекі ў падпарадкаваных воінскіх часцях;

• правядзення мерапрыемстваў, накіраваных на забеспячэнне службы войск і бяспекі ваеннай службы, дысцыпліны і правапарадку, аховы працы ў падпарадкаваных воінскіх часцях;

падрыхтоўка прапаноў:

• па ўнясенні змяненняў у структуру, баявы склад і штатную колькасць воінскіх часцей Узброеных Сіл у межах кампетэнцыі ўпраўлення;

• дакументацыі па рэалізацыі (перадачы) аўтамабільнай тэхнікі і маёмасці, якой празмерна або якая не знаходзяць прымянення ва Узброеных Сілах;

• праектаў прававых актаў Міністэрства абароны, якія рэгламентуюць пытанні арганізацыі аўтатэхнічнага забеспячэння Узброеных Сіл;

удзел у:

• вывучэнні, падборы, падрыхтоўцы, назапашванні і расстаноўцы ваенных кадраў па ваенна-ўліковых спецыяльнасцях аўтатэхнічнага забеспячэння ва Узброеных Сілах;

• уліку спецыялістаў, вывучэнні афіцэраў запасу для камплектавання ўпраўлення;

• рэалізацыі дзяржаўнай ваенна-тэхнічнай палітыкі ў галіне баяздольнасці Узброеных Сіл;

• мерапрыемствах міжнароднага ваеннага супрацоўніцтва па пытаннях аўтатэхнічнага забеспячэння;

• планаванні і арганізацыі даследчай і ваенна-навуковай работы ў галіне развіцця аўтамабільнай тэхнікі.