Міністр абароны Беларусі генерал-лейтэнант Віктар Хрэнін адказаў на пытанні журналістаў

Міністр абароны Рэспублікі Беларусь генерал-лейтэнант Віктар Хрэнін расказаў у інтэрв'ю «Беларусь-1» аб прычынах, якія папярэднічалі карэкціроўцы Ваеннай дактрыны краіны:

- Мы бачым, што адбываецца вакол нашай краіны. Бачым вялізную канцэнтрацыю войск НАТА каля нашых граніц, агрэсіўную рыторыку недружалюбных нам дзяржаў, палітычны, эканамічны, санкцыйны ціск на нашу краіну. Ну і, безумоўна, канфлікт па поўдні нашай краіны.

Мы былі вымушаныя паглядзець на дзеючую цяпер Ваенную дактрыну і ўнесці адпаведныя змены. Акрамя таго, былі зроблены змяненні ў Канстытуцыі.

Хочацца сказаць, што Ваенная дактрына - гэта адкрыты дакумент. Гэта сістэма афіцыйных поглядаў нашай дзяржавы на мір і вайну.

І мы дакладна, канкрэтна прапісваем, як ацэньваем сённяшнюю абстаноўку, як мы будзем дзейнічаць у выпадку яе эскалацыі.

Таксама генерал-лейтэнант Віктар Хрэнін расказаў у інтэрв'ю аб ваеннай арганізацыі дзяржавы і аснове забеспячэння бяспекі краіны:

«Прэзідэнт надае пільную ўвагу бяспецы нашай краіны. Ну і, вядома ж, адным з найважнейшых яе складнікаў з'яўляецца ваенная бяспека, якая знаходзіцца сёння пад пільнай увагай нашага народа.

У гэтым плане ўжо шмат зроблена. На працягу доўгіх гадоў фарміравалася і пастаянна ўдасканальвалася ваенная арганізацыя дзяржавы, аснову якой складаюць Узброеныя Сілы Рэспублікі Беларусь.

Сёння ў нас ёсць усе складнікі для таго, каб выконваць задачы, як у мірны, так і ў ваенны час.

Ваенныя павінны рыхтавацца да вайны як да экзамену, які можа ніколі не здарыцца.

Але мала забяспечыць абарону дзяржавы толькі ваеннымі сродкамі: у аснове ўсяго, вядома ж, эканоміка. Галоўная каштоўнасць - нашы людзі і іх патрыятызм».

Міністр абароны Беларусі акцэнтаваў увагу на тым, што ў Ваеннай дактрыне захавана міралюбівая накіраванасць палітыкі Рэспублікі Беларусь:

«Мы не жадаем вайны і ні з кім не збіраемся ваяваць. Мы жадаем мірна жыць, развівацца.

Для таго каб не скаціцца да вайны, мы павінны ўжо зараз, у мірны час, закладаць у аснову дзяржаўнай палітыкі такія прынцыпы, як сумленнасць, адкрытасць і якасна выконваць абавязкі, кожны на сваім месцы. І гэта таксама будзе аховай і абаронай нашай дзяржавы.

У Ваеннай дактрыне знайшлі адлюстраванне дзеянні ўсіх структур - не толькі ваеннай арганізацыі дзяржавы.

Таксама мы замацавалі свае саюзніцкія абавязацельствы, у тым ліку з улікам вопыту, атрыманага ў ходзе аказання дапамогі Рэспубліцы Казахстан. Гэта таксама знайшло адлюстраванне ў праекце нашай Ваеннай дактрыны.

Мы абазначылі сваё стаўленне да ядзернай зброі, размешчанай на нашай тэрыторыі».

Фота Паўла Матусевіча, «Ваяр»