- Навіны
- Узброеныя Сілы
- Ваенная адукацыя
Ва ўрачыстай абстаноўцы начальнік галоўнай ваеннай інспекцыі Узброеных Сіл генерал-маёр Андрэй Гарбаценка і намеснік камандуючага ВПС і войскамі СПА генерал-маёр Дзмітрый Міхалап падзякавалі ваеннаабавязаным за службу, лепшых узнагародзілі граматамі і ўручылі каштоўныя падарункі.
Некаторыя ваеннаабавязаныя атрымалі афіцэрскія пагоны.
***
Намеснік камандуючага ВПС і войскамі СПА генерал-маёр Дзмітрый Міхалап:
— Для 120-й зенітнай ракетнай брыгады асноўны этап праверкі боегатоўнасці завяршыўся.
Хачу сказаць, што ў ходзе ўсіх этапаў, пачынаючы ад прыёму мабілізацыйных рэсурсаў і заканчваючы правядзеннем вучэнняў, асабісты склад, прызваны з запасу, салдаты і афіцэры паказалі высокі ўзровень зладжанасці, жаданне і імкненне.
На маю думку, брыгада здольна выканаць задачы па прызначэнні.
Гэта аб’ектыўна відаць на практыцы ў ходзе праведзеных мерапрыемстваў.
Як паказалі вынікі баявых стрэльбаў са стралковай зброі, з зенітных установак, баявыя пускі з пераносных зенітна-ракетных комплексаў — вынік добры.
Узровень падрыхтоўкі на зборах і ўзровень кіраўнікоў заняткаў дазваляе авалодаць за адносна кароткі час даручанай тэхнікай і ўзбраеннем.
І цяпер сітуацыя вакол нашай краіны паказвае, што толькі гатоўнасцю да выканання задач па прызначэнні мы можам захаваць мір на нашай зямлі.
І нашы апаненты гэта ўсё выдатна бачаць і назіраюць.
Лейтэнант Арцём Берасцень «Ваяр», фота аўтара