Арганізацыйна-штатная структура 72-га гвардзейскага аб’яднанага вучэбнага цэнтра падрыхтоўкі прапаршчыкаў і малодшых спецыялістаў складаецца з:
упраўлення;
школы па падрыхтоўцы прапаршчыкаў і спецыялістаў харчовай службы;
пяці школ па падрыхтоўцы спецыялістаў родаў войскаў і спецыяльных войскаў;
цэнтра тэхнічнага забеспячэння;
цэнтра тылавога забеспячэння;
асобнага батальёна аховы і абслугоўвання.
Гэтая арганізацыйна-штатная структура дазваляе рыхтаваць штогод:
прапаршчыкаў па 23 спецыяльнасцях з тэрмінам навучання 5 месяцаў і малодшых камандзіраў і спецыялістаў па 81 спецыяльнасці з тэрмінам навучання 4 і 3 месяцы.
Вучэбны працэс у 72-м гвардзейскім вучэбным цэнтры арганізаваны і праводзіцца на падставе актаў заканадаўства Рэспублікі Беларусь, прававых актаў Міністэрства абароны, праграм падрыхтоўкі спецыялістаў і ўяўляе сабой мэтанакіраваную дзейнасць выкладчыцкага складу і камандзіраў вучэбных падраздзяленняў у якаснай падрыхтоўцы камандзіраў і малодшых спецыялістаў.
У вучэбным цэнтры вызначана строгая паслядоўнасць у арганізацыі вучэбнага працэсу. Падрыхтоўка курсантаў пачынаецца з атрымання імі неабходных тэарэтычных ведаў. Пачатковыя практычныя навыкі набываюцца пры правядзенні тэарэтычных заняткаў, заняткаў у камп’ютэрных класах, на трэнажорах, агнявых месцах, пасля чаго курсанты прыступаюць да заняткаў на тэхніцы, дзе замацоўваюць і ўдасканальваюць практычныя навыкі і ўменні.
Асноўным прынцыпам падрыхтоўкі курсантаў з’яўляецца паслядоўнае і паэтапнае навучанне «ад простага да складанага». На першапачатковых этапах навучання даюцца неабходныя тэарэтычныя веды, набываюцца пачатковыя практычныя навыкі на УТ і ТС, якія ў наступным удасканальваюцца на тэхніцы вучэбна-баявой групы ў выніку сістэматычнага правядзення заняткаў і трэніровак з выкарыстаннем штатнай баявой тэхнікі і зброі.
Трэніроўкі на трэнажорах максімальна палягчаюць засваенне УВТ ва ўмовах, характэрных для сучаснага бою, шляхам выпрацоўкі ў навучэнцаў дакладных, каардынаваных практычных навыкаў і ўменняў.
Мэтазгоднасць прымянення трэнажораў абумоўлена:
магчымасцю раздзялення складаных элементаў на простыя дзеянні для іх паслядоўнага асваення з паступовым ускладненнем умоў трэніроўкі;
магчымасцю неадкладнай аб’ектыўнай ацэнкі якасці выканання прыёмаў кіравання, фіксацыі дапушчаных памылак, адначасовага паказу правільных дзеянняў і паўтарэння практыкавання да беспамылковага яго выканання;
больш рацыянальным выкарыстаннем вучэбнага часу за кошт скарачэння пераездаў на вучэбныя аб’екты і адрыву асабовага складу для падрыхтоўкі матэрыяльнай часткі;
поўнай бяспекай навучання, якая дазваляе пашырыць самастойнасць навучэнца ў яго дзеяннях і рашэннях у крытычных і аварыйных сітуацыях, што не дапускаецца на штатных баявых машынах;
скарачэннем выдатку мотаресурсу на адпрацоўку і памяншэннем напружанасці эксплуатацыі баявой тэхнікі, скарачэннем колькасці пашкоджанняў (паломак) і, адпаведна, патрэбнасці ў запасных частках, гаручым і змазачных матэрыялах, зніжэннем загружанасці абслуговых і рамонтных падраздзяленняў.
Адной з асноўных умоў якаснай падрыхтоўкі малодшых камандзіраў і спецыялістаў з’яўляецца якаснае і поўнае матэрыяльнае забеспячэнне вучэбнага працэсу.
Для навучання курсантаў у вучэбным цэнтры маецца: палявая, прыказарменная, класная і ротная вучэбна-матэрыяльная база, якая ўключае ў сябе:
пяць тактычных палёў, прызначаных для падрыхтоўкі камандзіраў аддзяленняў (танкаў, БМП) і іншых спецыялістаў, інжынернае поле, хімгарадок;
два танкадромы, танкадром 227-га агульнавайсковага палігона, машынадром, аўтадром прызначаны для навучання механікаў-вадзіцеляў і вадзіцеляў колавай і гусенічнай тэхнікі. Заняткі па агнявой падрыхтоўцы праводзяцца на участках танкавай дырэктрысы, артылерыйскай дырэктрысы і дырэктрысы БМП-2 і БМП-1, двух участках вайсковага стрэльбішча і двух агнявых месцах 227-га палігона.
Пяць камп’ютарных класаў з распрацаванымі і ўдасканаленымі вучэбнымі праграмамі, праграмамі суправаджэння, тэставымі праграмамі і створанымі вучэбнымі фільмамі па асноўных прадметах навучання для спецыялістаў мотастралковых, танкавых, артылерыйскіх падраздзяленняў, спецыялістаў войскаў сувязі, РХБ абароны, аўтамабільных і рамонтных спецыяльнасцяў. Арганізавана ўзаемадзеянне з установамі адукацыі Рэспублікі Беларусь па распрацоўцы сучасных вучэбных праграм (171 праграма) для 72-га гвардзейскага АВЦ ПП і МС.
Выкарыстанне камп’ютэрных класаў дазваляе:
актывізаваць вучэбны працэс;
індывідуалізаваць навучанне;
павысіць нагляднасць у прадстаўленні вучэбнага матэрыялу;
зрушыць акцэнт ад тэарэтычных ведаў да практычных;
павысіць цікавасць курсантаў да навучання.
Адзін трэнажорны корпус, у якім устаноўлены трэнажоры для падрыхтоўкі камандзіраў, наводчыкаў гармат і механікаў-вадзіцеляў Т-72 (ТКНТ-3 Б, ТОПТ-САЗ, ТТВ-172); механікаў-вадзіцеляў САУ (ТТВ-САУ); камандзіраў, наводчыкаў-аператараў і механікаў-вадзіцеляў БМП-2 (ТВ-675, ТКНО-950, ТНО-7 Э); спецыялістаў мотастралковых падраздзяленняў (СОКОЛ-М1 С, СОКОЛ-М1 П, СОКОЛ-ПТУР), якія дазваляюць на першапачатковым этапе спецыяльнай падрыхтоўкі прывіваць пачатковыя практычныя навыкі курсантам, а ў далейшым удасканальваць іх без расходу боепрыпасаў і гаруча-змазачных матэрыялаў.
Аб’екты вучэбна-матэрыяльнай базы па фізічнай падрыхтоўцы і спорце дазваляюць адначасова праводзіць заняткі з з паўтары тысячью курсантамі.
Акрамя таго, у кожным вучэбным падраздзяленні (вучэбная рота, батарэя) маецца пераносная ротная вучэбна-матэрыяльная база, якая дазваляе праводзіць заняткі па ўсіх прадметах баявой падрыхтоўкі.
У мэтах скарачэння часу для перамяшчэння да месцаў заняткаў у непасрэднай блізкасці абсталяваны машынадром для падрыхтоўкі механікаў-вадзіцеляў інжынернай тэхнікі і войскаў СПА (абсталяваны камандны пункт і маршрут руху, які забяспечвае выкананне практыкаванняў паводле Курсу ваджэння), для правядзення заняткаў па тактыка-спецыяльнай падрыхтоўцы са спецыялістамі сувязі абсталявана вучэбнае тактычнае поле, на тэрыторыі 114-й гвардзейскай школы падрыхтоўкі прапаршчыкаў і спецыялістаў харчовай службы абсталяваны ўчастак тактычнага поля для правядзення заняткаў па тактычнай (тактыка-спецыяльнай) падрыхтоўцы.
Наяўная вучэбна-матэрыяльная база ў поўным аб’ёме забяспечвае якаснае правядзенне заняткаў з курсантамі па ўсіх прадметах навучання.
У цяперашні час 72-гі гвардзейскі аб’яднаны вучэбны цэнтр падрыхтоўкі прапаршчыкаў і малодшых спецыялістаў у поўнай меры адпавядае мэце далейшага будаўніцтва і развіцця Узброеных Сіл – іх пераводу на новы якасны ўзровень, які адпавядае інавацыям у ваеннай справе, падтрыманне іх здольнасці ў любых умовах ваенна-палітычнай і стратэгічнай сітуацый гарантаваць стабільнае развіццё Рэспублікі Беларусь.
Воінскія часці 72 гв. АВЦ ПП і МС
114-я гвардзейская Чэнстахоўская ордэнаў Кутузава III ступені, Багдана Хмяльніцкага II ступені і Чырвонай Зоркі школа па падрыхтоўцы прапаршчыкаў і спецыялістаў харчовай службы
Дзень часці 24 жніўня
Начальнік 114-й гвардзейскай школы па падрыхтоўцы прапаршчыкаў і спецыялістаў харчовай службы гвардыі падпалкоўнік Раманоўскі Валерый Віктаравіч
.
Школа рыхтуе спецыялістаў:
– камандзір мотастралковага ўзвода;
– начальнік вучэбнага аб’екта;
– начальнік трэнажора;
– намеснік камандзіра групы спецыяльнага прызначэння;
– спецыяліст па рамонце аўтатрактарнай тэхнікі;
– спецыяліст па рамонце бранятанкавай тэхнікі;
– начальнік склада ракетна-артылерыйскага ўзбраення;
– старшына падраздзялення;
– начальнік харчовай службы;
– начальнік сталовай;
– начальнік рэчавай службы;
– камандзір узвода матэрыяльнага забеспячэння;
– начальнік склада ГЗМ;
– спецыяліст радыёсувязі (Р-140);
– спецыяліст радыёсувязі (Р-161-А2М);
– спецыяліст апаратнай сувязі (П-244 ТМ);
– спецыяліст апаратнай сувязі (П-238) ТК;
– спецыяліст радыёрэлейнай сувязі і шматканальнай сувязі (Р-414);
– спецыяліст шматканальнай сувязі (П-257);
– спецыяліст спецыяльнай сувязі;
– начальнік сакрэтнага справаводства;
– спецыяліст харчовай службы.
3-я гвардзейская Мінска-Гданьская, Вісленская, ордэна Леніна, Чырванасцяжная, ордэнаў Суворава II і III ступені, ордэна Кутузава III ступені школа падрыхтоўкі спецыялістаў танкавых і артылерыйскіх падраздзяленняў.
Дзень часці 14 верасня.
Выконваючы абавязкі yачальнікf 3-й гвардзейскай школы падрыхтоўкі спецыялістаў гвардыі падпалкоўнік Калыванаў Аляксей Уладзіміравіч.
Школа рыхтуе спецыялістаў:
– механік-вадзіцель Т-72;
– камандзір танка Т-72;
– наводчык танка Т-72;
– механік-вадзіцель САУ;
– камандзір 2С1;
– камандзір 2С3;
– камандзір 2С9;
– камандзір БМ-21;
– камандзір мінамёта 2Б9;
– камандзір мінамёта 2Б11;
– камандзір аддзялення камандна-штабной машыны старшага афіцэра батарэі;
– камандзір аддзялення камандна-штабной машыны начальніка штаба;
– камандзір аддзялення камандзірскіх машын кіравання камандзіраў дывізіёнаў;
– камандзір аддзяленняў разведкі рухомых разведвальных пунктаў;
– камандзір мінамёта СНАР (выраб 1РЛ232 "Леапард" прызначаны для разведкі, паражэння рухомых наземных (надводных) цэляў і абслугоўвання стральбы артылерыі).
59-я Жытомірская Чырванасцяжная школа падрыхтоўкі спецыялістаў па эксплуатацыі аўтамабільнай тэхнікі і рамонтных падраздзяленняў
Дзень часці 30 кастрычніка
Начальнік 59 шпс падпалкоўнік Нікульча Эдуард Сяргеевіч
– механік-вадзіцель МАЗ-543;
– механік-вадзіцель МАЗ-537;
– механік-вадзіцель БАЗ-5921;
– механік-вадзіцель БАЗ-5937;
– механік-вадзіцель ЗІЛ 135 ЛМ;
– механік-вадзіцель МТ-ЛБ (малога транспортера лёгкабраняваных);
– механік-вадзіцель БТР-60;
– механік-вадзіцель БТР-80;
– механік-вадзіцель БРДМ (браняваная разведвальная дэсантная машына);
– спецыяліст па АКБ і ЗУ (абслугоўванне акумулятарных батарэй і зарадных прылад);
– МПР і Х ЭСО БТТ (майстар па рамонце і захоўванню электрычнага спецыяльнага абсталявання бранятанкавай тэхнікі);
– МПР і Х СВ і СББ (майстар па рамонце і захоўванню стралковага ўзбраення і сродкаў блізкага бою);
– МПР і Х ТВ і САУ (майстар па рамонце і захоўванню танкавага ўзбраення і самаходных артылерыйскіх самаходных установак);
– МПР і Х НА і М (майстар па рамонце і захоўванню наземнай, рэактыўнай артылерыі і мінамётаў);
– МПР і Х ПТРК (майстар па рамонце і захоўванню процітанкавых ракетных комплексаў);
– МПР і Х ОПЭТ (майстар па рамонце і захоўванню оптыка-электроннай тэхнікі);
– МПР і Х гус. БТТ (майстар па рамонце і захоўванню гусенічнай бронетэхнікі);
– МПР і Х кол. БТТ (майстар па рамонце і захоўванню колавай бронетэхнікі);
– МПР і Х стабілізатараў ЭСО (майстар па рамонце і захоўванню стабілізатараў электрычнага спецыяльнага абсталявання).
12-я школа падрыхтоўкі спецыялістаў падраздзяленняў сувязі
Дзень часці 28 ліпеня
Начальнік 12-й школы падрыхтоўкі спецыялістаў падпалкоўнік Чарнабай Пётр Расціслававіч.
Школа рыхтуе спецыялістаў:
– спецыяліст караткахвалевых радыёстанцый малой магутнасці, начальнік радыёстанцыі Р-142, Р-145;
– спецыяліст прыёмных радыёпрылад, радыётэлеграфіст Р-155, Р-160;
– спецыяліст аднапалосных радыёстанцый сярэдняй і малой магутнасці, радыётэлеграфіст Р-161;
– спецыяліст шматканальных радыёрэлейных станцый, механік радыёстанцыі Р-414;
– спецыяліст малаканальных радыёрэлейных станцый, механік радыёстанцыі;
– спецыяліст ЗАС тэлефоннай (гарантаванай стойкасці), механік Т-230;
– спецыяліст ЗАС тэлеграфнай літарадрукавальнай, механік Т-206;
– спецыяліст сувязі ЗАС.
320-я школа падрыхтоўкі спецыялістаў мотастралковых, разведвальных, падраздзяленняў інжынерных войскаў і войскаў радыяцыйнай, хімічнай і біялагічнай абароны
Дзень часці 25 чэрвеня
Начальнік 320-й школы падрыхтоўкі спецыялістаў падпалкоўнік Зікратьев Аляксей Віктаравіч
Школа рыхтуе спецыялістаў:
– снайпер;
– камандзір стралковых аддзяленняў;
– разведчык тактычнай разведкі;
– механік-вадзіцель машын загараджэння (гусенічнага міназагараджальніка (ГМЗ);
– механік-вадзіцель машын разгараджэння (устаноўкі размініравання (УР-77);
– механік-вадзіцель мостаўкладчыкаў (маставога танкавага укладчыка (МТУ);
– механік-вадзіцель машын разгараджэння (інжынернай машыны разгароды (ІМР);
– механік-вадзіцель дарожных машын (вялікага артылерыйскага цягача (БАТ);
– механік-вадзіцель землеройных машын (машыны для урыўкі катлаванаў (МДК);
– механік-вадзіцель землеройных машын (хуткай траншэйнай машыны (БТМ);
– механік-вадзіцель плывучых транспарцёраў (плывучага транспарцёра сярэдняга класа (ПТС-2);
– механік-вадзіцель машын інжынернай разведкі (інжынернай разведвальнай машыны (ІРМ);
– камандзір аддзялення радыяцыйнай і хімічнай разведкі дазіметрычнага кантролю;
– камандзір аддзялення сродкаў спецыяльнай адпрацоўкі;
– камандзір аддзялення тэрмічных дымавых сродкаў;
– начальнік электрастанцый сілавых і асвятляльных агрэгатаў;
– кіроўца-кранаўшчык аўтамабільных пнеўмаколавых кранаў;
– аператар зенітных ракет блізкага дзеяння (БМ «Страла-10»);
– стралок-зенітчык пераносных зенітных ракетных комплексаў (ПЗРК «Ігла»);
– аператар пунктаў кіравання (ПУ-12 М);
– механік-вадзіцель зенітных самаходных установак (ГМ-579 «БУК»);
– механік-вадзіцель зенітных самаходных ракетна-артылерыйскіх установак (ГМ-352 «Тунгуска»);
– вадзіцель аўтамабіляў аэрадромнага забеспячэння – аператар паветразаправачнай уніфікаванай кампрэсарнай станцыі (ВЗ УКС);
– вадзіцель аўтамабіляў аэрадромнага забеспячэння – аператар уніфікаванай газаразраднай станцыі (УГЗС);
– вадзіцель аўтамабіляў аэрадромнага забеспячэння – аператар аўтамабільнай кіслародна-зараднай станцыі (АКЗС);
– механік-вадзіцель шнекаротарных снегаачышчальнікаў;
– механік-вадзіцель цеплавых машын;
– вадзіцель аўтамабіляў аэрадромнага забеспячэння – электрык аэрадромнага рухомага электраагрэгата (АПА).
307-я гвардзейская ордэнаў Кутузава III ступені і Багдана Хмяльніцкага II ступені школа падрыхтоўкі спецыялістаў мотастралковых падраздзяленняў і дэсантных падраздзяленняў
Дзень часці 26 верасня.
Начальнік 307-й гвардзейскай школы падрыхтоўкі спецыялістаў падпалкоўнік Малчанаў Аляксей Валер'евіч
Школа рыхтуе спецыялістаў:
– камандзір БМП-1, БМП-2;
– наводчык-аператар БМП-1, БМП-2;
– механік-вадзіцель БМП-1, БМП-2;
– камандзір БМД;
– наводчык-аператар БМД;
– механік- вадзіцель БМД;
– механік- вадзіцель БТР-Д.
Дзень часці 30 ліпеня
Начальнік ЦТэхЗ – падпалкоўнік Вышынскі Васіль Валер'евіч.
Падраздзяленні ЦТэхЗ выконваюць задачы па тэхнічным забеспячэнні ходу навучання курсантаў па спецыяльнасцях у вучэбных воінскіх часцях. У склад ЦТэхЗ уваходзяць:– рамонтны батальён;
– батальён забеспячэння (школ падрыхтоўкі спецыялістаў танкавых і мотастралковых падраздзяленняў);
– батальён забеспячэння (школ падрыхтоўкі спецыялістаў родаў войскаў і службаў);
– узводы тэхнічнага абслугоўвання.
Штодня аб’ём эксплуатацыі аўтамабільнай і бранятанкавай тэхнікі ў падраздзяленнях ЦТэхЗ складае каля 80 адзінак.
Цэнтр тэхнічнага забеспячэння сёння – гэта згуртаваны воінскі калектыў, які якасна выконвае задачы па рамонце, абслугоўванні і эксплуатацыі тэхнікі і ўзбраення.
495 асобны батальён матэрыяльнага забеспячэння
Дзень часцi 25 мая.
Камандзір батальёна падпалкоўнік Аўтуховіч Валянцін Мікалаевіч.
Кантактны тэлефон: 8-0177-78-71-47, дадатковы 24-20.
Асноўнымі задачамі батальёна матэрыяльнага забеспячэння з'яўляюцца:
• забеспячэнне матэрыяльнымі сродкамі, арганізацыя іх захоўвання і расходвання;
• эксплуатацыя і ўтрыманне казарменна-жыллёвага фонду, камунальных збудаванняў і зямельных участкаў, якія выкарыстоўваюцца для патрэб 72-га гв. АВЦ ПП і МС;
• назапашванне, утрыманне і своечасовае абнаўленне запасаў матэрыяльных сродкаў, якія забяспечваюць баявую і мабілізацыйную гатоўнасць;
• выкананне гаспадарчых работ па абслугоўванню тэрыторыі 72 гв. АВЦ ПП і МС;
• забеспячэнне рознага роду перавозак аўтамабільнай тэхнікай на карысць 72 гв. АВЦ ПП і МС.
197-ы асобны батальён аховы і абслугоўвання
Дзень часці 31 сакавіка.
Камандзір 197-га асобнага батальёна аховы і абслугоўвання падпалкоўнік Емельянчик Андрей Константинович, кантактны тэлефон 8(0177) 78-71-47, дадатковы 26-92.
197-ы абаа ў цяперашні час уключае:– роту аховы, якая выконвае задачы па ахове і абароне штаба 72 гв. АВЦ ПП і МС, нясенні унутранай і вартавой службы;
– каменданцкую роту, якая забяспечвае тэхнічнае абслугоўванне, пастаянную гатоўнасць і працаздольнасць аўтамабільнай тэхнікі;
– роту трэнажораў і абслугоўвання вучэбных аб’ектаў, якая забяспечвае навучанне курсантаў вучэбных часцей;
– узвод важатых вартавых сабак – работа с вартавымі (каравульнымі) і пошукавымі сабакамі;
– стацыянарны вузел сувязі, які забяспечвае якасную і бесперабойную тэлефонную і радыётэлефонную сувязь;
– узвод сувязі, які забяспечвае працаздольнасць ахоўнай сігналізацыі, забеспячэнне сродкамі радыёсувязі і іх рамонт;
– каманду ваенізаванай аховы – падраздзяленне, якое выконвае ў мірны час баявую задачу па ахове і абароне аб’ектаў;
– вартаўнічую ахову;
– станцыю фельд’егерскай – паштовай сувязі;
– аркестр;
– клубы.