Двухбаковая рабочая сустрэча з прадстаўнікамі Сіл абароны Зімбабвэ па пытаннях развіцця супрацоўніцтва ў галіне РХБА
У Мінску прайшла двухбаковая рабочая сустрэча з прадстаўнікамі Сіл абароны Зімбабвэ па пытаннях развіцця супрацоўніцтва ў галіне радыяцыйнай, хімічнай і біялагічнай абароны.
На мерапрыемстве начальнік войск радыяцыйнай, хімічнай і біялагічнай абароны – начальнік упраўлення радыяцыйнай, хімічнай, біялагічнай абароны і экалогіі Генеральнага штаба Узброеных Сіл палкоўнік Вячаслаў Старкоў азнаёміў зімбабвійскую дэлегацыю з магчымасцямі Беларусі ў сферы падрыхтоўкі і навучання спецыялістаў па РХБ абароне, а таксама азначыў перспектыўныя напрамкі супрацоўніцтва.
Праграма знаходжання дэлегацыі Сіл абароны Зімбабвэ таксама ўключае наведванне профільных навучальных устаноў, воінскіх часцей і навукова-вытворчых прадпрыемстваў.
Фота Паліны Дзегцяровай
