- Навіны
- Узброеныя Сілы
- Ваенная адукацыя
Падведзены папярэднія вынікі сумеснага аператыўнага вучэння «Саюзная рашучасць-2022», якое праводзіцца ў рамках комплекснай праверкі сіл рэагавання Саюзнай дзяржавы.
Выступаючы перад прысутнымі, Міністр абароны Рэспублікі Беларусь генерал-лейтэнант Віктар Хрэнін адзначыў:
- У сувязі з нарастаннем ваеннай актыўнасці ля знешніх граніц Саюзнай дзяржавы і абвастрэннем сітуацыі на Данбасе, Прэзідэнтамі Рэспублікі Беларусь і Расійскай Федэрацыі прынята рашэнне праверку сіл рэагавання Саюзнай дзяржавы прадоўжыць.
У яе ходзе будуць дакладна прапрацаваны этапы абароны Саюзнай дзяржавы, якія не былі ахоплены з такой ступенню дэталізацыі вучэбнымі пытаннямі папярэдняга перыяду праверкі. У цэлым, яе накіраванасць застанецца нязменнай - яна заклікана забяспечыць адэкватнае рэагаванне і дээскалацыю ваенных падрыхтовак нядобразычліўцаў паблізу нашых агульных граніц.
На тэрыторыі сумежных дзяржаў створаны шматлікія групоўкі войск і сіл. У тым ліку - трэціх краін. Павышаны ўзровень гатоўнасці да прымянення міжвідавых фарміраванняў экстранага рэагавання НАТА з сямі да пяці сутак на выпадак так званай «эскалацыі абстаноўкі ва Украіне».
Суседнія з намі краіны ў экстраным пазапланавым парадку «напампоўваюцца» самай сучаснай зброяй. Пры гэтым прыярытэт аддаецца сучасным наступальным сродкам.
Мадэрнізаваны аб'екты ваеннай і транспартнай інфраструктуры. Кратна вырасла колькасць праводзімых паблізу граніц Саюзнай дзяржавы незразумелых для нас вучэнняў і аперацый. Відавочная і іх накіраванасць супраць Расіі і Рэспублікі Беларусь.
У свядомасць заходняга абывацеля трывала ўкаранёна думка аб непазбежнасці вайны з «усходнімі суседзямі». Пры гэтым у мілітарысцкіх памкненнях абвінавачваюць Расійскую Федэрацыю і Рэспубліку Беларусь.
Захад адмаўляецца ўспрымаць пазначаныя Расіяй «чырвоныя лініі» ў архітэктуры бяспекі Еўропы, якія актуальныя і для беларусаў. Мы бачым, як ідзе адарванне асноватворнага прынцыпу непадзельнасці бяспекі.
Ва ўмовах выразна акрэсленых «чырвоных ліній» інтэнсіўна шукаюцца шляхі іх абыходу. Вылучаюцца ідэі новых фарматаў асваення ў ваенных адносінах тэрыторыі Украіны.
З усяго вышэйсказанага лагічна вынікае адна выснова - у Еўропе вельмі моцна запахла порахам. Яе мэтанакіравана падштурхоўваюць да вайны, - падсумаваў Міністр абароны Рэспублікі Беларусь генерал-лейтэнант Віктар Хрэнін.
***
- Галоўным палітычным вынікам сумеснага аператыўнага вучэння «Саюзная рашучасць-2022» лічу, што ў няпростых умовах абстаноўкі ў свеце і непасрэдна вакол нашых дзяржаў - мы прадэманстравалі трываласць адносін Рэспублікі Беларусь і Расійскай Федэрацыі, рашучасць у адстойванні нашых нацыянальных інтарэсаў, у тым ліку - і з прымяненнем ваеннай сілы, - такое меркаванне выказаў Міністр абароны Рэспублікі Беларусь генерал-лейтэнант Віктар Хрэнін падчас падвядзення папярэдніх вынікаў завершанага сумеснага аператыўнага вучэння.
***
Асноўныя тэзісы выступлення Міністра абароны Рэспублікі Беларусь генерал-лейтэнанта Віктара Хрэніна, агучаныя падчас падвядзення папярэдніх вынікаў завершанага сумеснага аператыўнага вучэння ўзброеных сіл Беларусі і Расіі «Саюзная рашучасць»:
У аператыўнасці і зладжанасці мы апярэдзілі нашых апанентаў.
Вучэнне «Саюзная рашучасць» пацвердзіла здольнасць узброеных сіл Беларусі і Расіі сумесна вырашаць задачы ўзброенай абароны Саюзнай дзяржавы.
Пытанні забеспячэння перагрупоўкі войск у такіх маштабах адпрацоўваліся ўпершыню.
Вучэнне пацвердзіла, што ў нас няма праблемы «ваеннага шэнгена», якую сёння спрабуюць вырашыць дзяржавы Захаду. У Рэспублікі Беларусь і Расійскай Федэрацыі ўся інфраструктура гатова, юрыдычныя аспекты ўрэгуляваны.
Незалежна ад нацыянальнай прыналежнасці, органы ваеннага кіравання ўсіх аб'яднанняў працавалі як цэласны «арганізм». У нас агульная «школа», агульныя падыходы - мы дзейнічаем аднолькава і аднолькава мыслім.
Што да ацэнкі дзеянняў войск і сіл на тактычным уровне– прадэманстраваны зладжанасць дзеянняў у адзіных баявых парадках беларускіх і расійскіх лётчыкаў, ваеннаслужачых механізаваных і танкавых падраздзяленняў, дэсантнікаў і «спецназаўцаў», ракетчыкаў і артылерыстаў.
Дасягнуты неабходны ўзровень аператыўнай сумяшчальнасці. Мінімальны час патрабуецца на баявое зладжванне, а таксама на розныя ўвязкі і ўзгадненні. Органы кіравання і войскі гатовы працаваць, што называецца, «з колаў».
Усе пытанні ўсебаковага забеспячэння ў цэлым вырашаны. Створаная на вучэнне сістэма матэрыяльна-тэхнічнага забеспячэння спрацавала эфектыўна.
Напрацаваны базіс дазваляе нам ствараць і нарошчваць любыя кааліцыйныя групоўкі незалежна ад іх колькасці.
Вучэнне «Саюзная рашучасць-2022» дало нам унікальную магчымасць стварыць групоўку авіяцыі і СПА, аснашчаную самымі сучаснымі сістэмамі ўзбраення.
Вучэнне пацвердзіла правільнасць прынятых рашэнняў у пытаннях сумеснай падрыхтоўкі ваенных кадраў, абмену вопытам беларускіх і расійскіх ваеннаслужачых.
Мэты сумеснага аператыўнага вучэння «Саюзная рашучасць-2022» дасягнуты. У цэлым органы ваеннага кіравання, войскі і сілы ацэньваю як «якія паспяхова справіліся з задачамі».
Улас. інф., фота Яна Гарбанюка