Працягваецца адпрацоўка вучэбна-баявых задач

У ходзе беларуска-расійскага сумеснага аператыўнага вучэння «Саюзная рашучасць – 2022» прадаўжаецца адпрацоўка вучэбна-баявых задач.

На палігоне «Гожскі» падраздзяленні механізаванай брыгады Узброеных Сіл Рэспублікі Беларусь адпрацоўваюць пытанні знішчэння ўмоўнага праціўніка, які ўклініўся ў абарону, і вядзення рэйдавых дзеянняў.

На палігоне «Брэсцкі» падраздзяленні сіл спецыяльных аперацый УС РБ ажыццяўляюць пошук, блакіраванне і знішчэнне дыверсійна-разведвальных груп праціўніка і незаконнага ўзброенага фарміравання.

На ўчастку мясцовасці «Баранавічы» падраздзяленні механізаванай брыгады Узброеных Сіл Рэспублікі Беларусь і падраздзяленні марской пяхоты Узброеных Сіл Расійскай Федэрацыі вядуць вучэбны бой на абарончых рубяжах. Падраздзяленні СПА адпрацоўваюць пытанні прыкрыцця войск ад удараў сродкаў паветранага нападзення праціўніка.

На ўчастку мясцовасці «Асіповічы» вядуць навучальны бой з мэтай знішчэння тактычнага паветранага дэсанту ўмоўнага праціўніка падраздзялення Паветрана-дэсантных войск Узброеных Сіл Расійскай Федэрацыі, ракетных войск і артылерыі Узброеных Сіл Рэспублікі Беларусь і Узброеных Сіл Расійскай Федэрацыі. Ракетныя і артылерыйскія падраздзяленні Узброеных Сіл Расійскай Федэрацыі нясуць баявое дзяжурства.

На ўчастку мясцовасці «Лунінец» зенітныя ракетныя падраздзяленні Узброеных Сіл Расійскай Федэрацыі ажыццяўляюць супрацьпаветранае прыкрыццё войск, вырашаюць задачы баявога дзяжурства па СПА. Штурмавая авіяцыя Паветрана-касмічных сіл Узброеных Сіл Расійскай Федэрацыі адпрацоўвае пытанні авіяцыйнай падтрымкі войск, якія абараняюцца, з прымяненнем авіяцыйных сродкаў паражэння на авіяцыйным палігоне «Ружанскі» і палігоне «Асіповіцкі».

На ўчастку мясцовасці «Гомель» падраздзяленні сіл спецыяльных аперацый Узброеных Сіл Рэспублікі Беларусь і Паветрана-дэсантных войск Узброеных Сіл Расійскай Федэрацыі займаюцца аховай аб'ектаў, адпрацоўваюць пытанні блакіравання і знішчэння дыверсійна-разведвальных груп умоўнага праціўніка і незаконнага ўзброенага фарміравання.

На ўчастках мясцовасці «Мазыр» і «Рэчыца» мотастралковыя падраздзяленні Узброеных Сіл Расійскай Федэрацыі размяшчаюцца ў раёнах засяроджвання, рыхтуюцца да выканання задач па прызначэнні, адпрацоўваюць пытанні барацьбы з дыверсійна-разведвальнымі групамі ўмоўнага праціўніка і незаконнымі ўзброенымі фарміраваннямі.

На ўчастках мясцовасці «Мар'іна Горка», «Пінск», «Палескі» працягваецца выкананне вучэбна-баявых задач у рамках вучэння.