Ва Узброеных Сілах Рэспублікі Беларусь пачалася раптоўная праверка баявой і мабілізацыйнай гатоўнасці

25 студзеня па распараджэнню Міністра абароны Рэспублікі Беларусь пад кіраўніцтвам начальніка Генеральнага штаба - першага намесніка Міністра абароны Рэспублікі Беларусь пачалася комплексная праверка баявой і мабілізацыйнай гатоўнасці Узброеных Сіл.

Асноўнай мэтай праведзеных мерапрыемстваў з'яўляецца праверка і павышэнне ўзроўню баявой і мабілізацыйнай гатоўнасці і здольнасці злучэнняў і вайсковых часцей выканаць свае задачы па прызначэнні ў сучасных умовах.

Некаторыя воінскія часці і падраздзяленні ўжо атрымалі задачу на прывядзенне ў вышэйшыя ступені баявой гатоўнасці. Так, у прыватнасці, аддадзена адпаведнае распараджэнне на даўкамплектаванне і прывядзенне ў баявую гатоўнасць адной з вайсковых часцей 120-й гвардзейскай механізаванай брыгады.

Дзеянні войск пройдуць практычна на ўсіх палігонах Узброеных Сіл і асобных участках мясцовасці. Улічваючы спецыфіку выкананых задач, войскам трэба будзе дзейнічаць у розных умовах - пераадольваць водныя перашкоды, адпрацоўваць вучэбна-баявыя задачы днём і ноччу, як у лясных масівах, так і ў населеных пунктах.

Пільная ўвага будзе нададзена стану тэхнікі і ўзбраення, а таксама рабоце сістэм забеспячэння.

Завяршыць дадзеную праверку плануецца правядзеннем кантрольных заняткаў і тактычных вучэнняў з баявой стральбой рознага ўзроўню.