Генерал-лейтэнант Хрэнін Віктар Генадзьевіч нарадзіўся 1 жніўня 1971 года ў Наваградку Гродзенскай вобласці.
У 1988 годзе скончыў Сувораўскае ваеннае вучылішча.
Пасля заканчэння ў 1992 годзе Омскага вышэйшага агульнавайсковага каманднага вучылішча імя М.В.Фрунзе ваенную службу праходзіў на пасадах камандзіра мотастралковага ўзвода, камандзіра разведвальнага ўзвода, разведвальнай роты, начальніка аддзялення ўпраўлення – начальніка пункта апрацоўкі інфармацыі каманднага пункта асобнага разведвальнага батальёна, намесніка камандзіра асобнага мотастралковага батальёна, намесніка камандзіра асобнага разведвальнага батальёна, камандзіра асобнага танкавага батальёна, камандзір асобнага гвардзейскага мотастралковага батальёна 6-й асобнай гвардзейскай механізаванай брыгады Заходняга аператыўнага камандавання.
Пасля заканчэння ў 2005 годзе Ваеннай акадэміі Рэспублікі Беларусь ваенную службу праходзіў на пасадах старшага афіцэра аператыўнага аддзялення аператыўнага аддзела штаба Заходняга аператыўнага камандавання, намесніка камандзіра, начальніка штаба – першага намесніка камандзіра 6-й асобнай гвардзейскай механізаванай брыгады Заходняга аператыўнага камандавання, начальніка штаба – першага намесніка камандзіра 11-й асобнай гвардзейскай механізаванай брыгады Заходняга аператыўнага камандавання, камандзіра 6-й асобнай гвардзейскай механізаванай брыгады Заходняга аператыўнага камандавання, камандзіра 11-й асобнай гвардзейскай механізаванай брыгады Заходняга аператыўнага камандавання.
У 2014 годзе з адзнакай і залатым медалём скончыў факультэт Генеральнага штаба Ваеннай акадэміі Рэспублікі Беларусь. Пасля гэтага праходзіў службу спачатку на пасадзе намесніка камандуючага, а затым – начальніка штаба – першага намесніка камандуючага войскамі Заходняга аператыўнага камандавання Узброеных Сіл Рэспублікі Беларусь.
Указам Прэзідэнта Беларусі 23 чэрвеня 2015 года назначаны на пасаду камандуючага войскамі Заходняга аператыўнага камандавання Узброеных Сіл Рэспублікі Беларусь.
У студзені 2020 года Указам Прэзідэнта Рэспублікі Беларусь назначаны на пасаду Міністра абароны Рэспублікі Беларусь.Упраўлення справамі Міністра абароны
Дэпартамент міжнароднага ваеннага супрацоўніцтва Міністэрства абароны
Упраўлення прававога забеспячэння Міністэрства абароны Рэспублікі Беларусь
Галоўнае ўпраўленне ідэалагічнай работы
Галоўнае фінансава-эканамічнае ўпраўленне
Галоўная ваенная інспекцыя Узброеных Сіл